Tadiq: BE përkrah autokratin Vuçiq për shkak se u ka premtuar zgjidhjen e çështjes së Kosovës

23:36 | 3 Mars 2018
Arbresh.info

Ish-presidenti liberal i Serbisë ka parashikuar se zgjedhjet e nesërme lokale në Beograd nuk do të zhvillohen fer.

Boris Tadiq ka kritikuar edhe Bashkimin Evropian se po toleron praktika jo-demokratike të liderit aktual autokrat të Serbisë, Aleksandar Vuçiq.

Ish-presidenti Tadiq, në një intervistë për “The Associated Press”, ka thënë se BE-ja nuk po dëshiron të konfrontohet me Vuçiqin për shkak se ai ka premtuar zgjidhjen e statusit të Kosovës, transmeton Koha.net.

“Për ta, është më me rëndësi zgjidhja e çështjes së pavarësisë së Kosovës sa më shpejtë që të jetë e mundur sesa të ruhet demokracia në Serbi”, ka thënë ai.

Opozita serbe i sheh zgjedhjet e së dielës si mundësi për të dobësuar Vuçiqin. Tadiqi thotë se presidenti “është i interesuar në zgjedhjet e Beogradit në mënyrë që të mos humb asnjë pozitë pushteti”.